Ռուսաստան - Վրաստան - Հայաստան - Իրան էներգետիկ միջանցքի նախագծի տեխնիկա-տնտեսական հիմնավորումը պատրաստ կլինի 2017 թվականի երկրորդ կիսամյակում: ՏԱՍՍ-ի փոխանցմամբ՝ այս մասին հայտարարել է ՌԴ էներգետիկայի նախարար Ալեքսանդր Նովակը:
Նա հայտնել է, որ Իրանի էներգետիկայի նախարարի հետ հանդիպմանը քննարկել են երկու նախագիծ՝ «Ռուսաստան-Վրաստան-Հայաստան-Իրան» եւ «Ռուսաստան-Ադրբեջան-Իրան» էներգետիկ միջանցքների նախագծերը, որոնք միավորելու են այդ երկրների էներգահամակարգերը:
Ադրբեջանի մասնակցությամբ երկրորդ նախագծով կողմերը պայմանավորվել են, որ երկու երկրների մասնագետները մարտին կհանդիպեն եւ կքննարկեն տեխնիկական առաջադրանքները:
