2017-ի ամռանը եվրոպական տեակներով պատվաստված հայկական ծիրանն առաջին բերքը կտա: Այս մասին NEWS.am-ին ասաց FAO-ի Եվրոպայի եւ Կենտրոնական Ասիայի գծով գյուղատնտեսության տարածաշրջանային բյուրոյի մասնագետ Ավետիք Ներսիսյանը:
FAO-ի Հայաստանում ծիրանի տեսակների պահպանման ծրագրերի շրջանակներում աճեցվել են հայկական ծիրանի 4 տեսակի եվրոպական պատվաստով գաճաճ տնկիներ: Երեք տարի առաջ Արարատյան դաշտավայրի գյուղացիներին առաջարկել են այն փորձարկել: Եվրոպական գաճաճ տեսակների առավելությունը արմատների ոչ մեծ համակարգն է (այսինքն՝ մեկ հեկտարի վրա կարելի է ավելի շատ ծառ տնկել) եւ պտղաբերության ավելի վաղ տարիքը: Տեղական ծիրանենիները 6-7 տարի հետո են պտուղ տալիս, եվրոպականները՝ 2-3:
«Մենք որոշեցինք մեր ծիրանի համային որակները միացնել եվրոպականի արդյունավետության հետ եւ գյուղացիներին առաջարկեցինք նոր տնկիները փորձել: Անցյալ տարի ձմեռումն ամփոփեցինք, իսկ այս տարի բերք ստանալու հույս ունենք: Կախված, թե դրանք որքանով լավը կլինեն, կառավարությունը կարող է որոշել՝ արդյոք նոր այգեգործությունն օգտակա՞ր է եւ արժե՞ այն երկրի ամբողջ տարածքում ֆինանսավորել»,- նշեց Ներսիսյանը:
