«Նաիրիտ» գործարանում քիմիկատների անվտանգ պահման համար իշխանությունները եւս 76 մլն դրամ կհատկացնեն։Այս մասին որոշումը կայացվել է փետրվարի 23-ին Կառավարության նիստի ժամանակ։ ԱԻ նախարար Դավիթ Տոնոյանը հայտնել է, որ այդ միջոցները հատկացվում են քիմիական ռեակտիվների պահման ու շրջակա միջավայրի հետ դրանց շփումը բացառելու համար։

Հիշեցնենք, որ խորհրդային ժամանակաշրջանում կառուցված «Նաիրիտ» գործարանը եղել է Հայաստանի խոշորագույն գործատուներից մեկը։ ԽՍՀՄ փլուզումից հետո արդիականացման բացակայության պատճառով գործարանը կորցրել է մրցունակությունը ու 2010-ի ապրիլից դադարել է գործել։ Նոր ներդրողի որոնումները այդպես էլ հաջողություն չեն ունեցել։