Գերմանական Volkswagen ընկերությունը հրապարակել է նոր Volkswagen Arteon –ի թիզերային լուսանկարները ,որը փոխարինելու է Volkswagen Passat մոդելին։Լուսանկարներում կարելի է տեսնել առջեւի օպտիկայի նոր դիզայնը, նաեւ հետեւի լուսարձակների արտաքին տեսքը։ Ակնկալվում է, որ եվրոպական ավտոմոբիլային շուկայում մոդելը կմրցակցի BMW 4-Series Gran Coupe–ի հետ, գրում է Pokatim.ru պորտալը։

Փորձագետները նշում են, որ նոր Volkswagen Arteon–ը Volkswagen Passat CC–ի «հոգեւոր ժառանգորդն» է, սակայն ավելի արտահայտիչ ու ագրեսիվ դիզայն ունի։ Ինչ վերաբերում է էքստերիերի դիզայնին, ապա նոր Volkswagen Arteon-ն այս առումով նման է լինելու Passat–ին, սակայն նորույթի սալոնը ավելի ընդարձակ կլինի։