Հայ-ռուսական հարաբերությունները հարկավոր է նոր մակարդակի բարձրացնել: Փետրվարի 25-ին «Օհանյան-Րաֆֆի-Օսկանյան» դաշինքի առաջին համագումարի ժամանակ ունեցած ելույթում այս մասին հայտարարեց Հայաստանի պաշտպանության նախկին նախարար Սեյրան Օհանյանը:
Որպես արտաքին քաղաքականության առանցք՝ նա ընդգծեց հայ-ռուսական հարաբերությունների կարեւորությունը:
«Եվ այլ աշխարհաքաղաքական բեւեռների հետ փոխգործակցության համադրությունը պետք է մեր արտաքին քաղաքականության եւ դիվանագիտության հաջողության երաշխավորը լինի»,- ընդգծեց Սեյրան Օհանյանը: