Եվրահանձնաժողովը սատարում է հնարավորինս արագ Վրաստանի քաղաքացիների համար առանց վիզայի ռեժիմի ներդրումը: «Գրուզիա օնլայն»-ի փոխանցմամբ՝ այս մասին հայտարարել է ԵՀ առաջին փոխնախագահ Ֆրանս Թիմերմանսը:
«Եվրամիությունը Վրաստանի հետ փոխհարաբերություններում հարկավոր է հետագա կարեւոր առաջընթաց կատարել եւ Վրաստանը պետք է զգա, որ ԵՄ-ի անդամները ցանկանում են, որպեսզի երկիրը եվրոպական ընտանիքի լիարժեք անդամ դառնա»,- Իռլանդիայի խորհրդարանում ունեցած ելույթում հայտարարել է Թիմերմանսը:
Նրա խոսքով՝ ընդլայնման հարցին հարկավոր է իրատեսական մոտենալ: ԵՄ-ի ընդլայնման գործընթացը, ըստ Թիմերմանսի, պետք է սկսվի Բալկանյան երկրներից եւ հասնի Կովկասյան տարածաշրջան:
