Ֆլորիդայում ոստիկանության հետ փոխհրաձգության արդյունքում կասկածյալը զոհվել է: Ըստ AP-ի՝ ոստիկանները կանչով ժամանել են Օռլանդոյի արվարձանի տներից մեկը:
Նրանց դիմավորել է ատրճանակով տղամարդ եւ սկսել կրակել: Ոստիկանները պատասխան կրակ են արձակել: Երբ տղամարդը տուն է վերադարձել, ոստիկանները ներխուժել են բնակարան եւ նրան մեռած գտել:
Առայժմ հայտնի չէ, նա հրաձգության ժամանակ է զոհվել, թե՞ ինքնասպան է եղել: Իրավապահներն էլ թեթեւ վնասվածքներ են ստացել: Զոհվածի հարեւանի խոսքով՝ մահացածը տարեց տղամարդ է, որը երբեք խնդիրներ չի առաջացրել:
