Համացանցում հայտնվել է հավելված Go Rando բրաուզերների համար, որոնք թույլ չեն տալիս Facebook–ին ճանաչել օգտատիրոջ արձագանքները նորությունների ժապավենում գրառումների ներքո, հաղորդում է Lenta–ն։
Հավելվածը մշակողները պնդում են, որ սոցկայքն օգտագործում է հուզական արձագանքների մասին տեղեկությունը ոչ միայն նորությունների ժապավենը բարելավելու, այլեւ գովազդի թարգեթավորման եւ այլ մանիպուլյացիաների համար։ Օրինակ՝ Facebook–ում «գովազդային հաճախորդները» կարող են օգտվել իրավիճակից, երբ օգտատերը զայրացած է կամ հակառակը։
Go Rando–ի ստեղծողներն առաջարկում են «խճճել» ալգորիթմը։ Հավելվածը Facebook–ին տեղեկություն է ուղարկում օգտատիրոջ՝ իբր չեզոք հուզական արձագանքների վերաբերյալ։ Եթե օգտատերը շատ էմոցիաներ է «դնում» գրառումների ներքո, Go Rando–ն «հավասարակշռության է բերում» դրանք։