Հայաստանի ԱԺ-ին է ներկայացվել գյուղատնտեսական տեխնիկայի տեսչության վերացման մասին օրինագիծ։ «Գյուղատնտեսական տեխնիկայի շահագործման մասին» օրենքում փոփոխությունների նախագիծը փետրվարի 27-ին ԱԺ-ում ներկայացրել է գյուղատնտեսության փոխնախարար Ռոբերտ Մակարյանը։

Մինչ այդ տեսչությունը պետհամարանիշներ էր տրամադրում տրակտորներին ու կոմբայններին։ Հիմա այդ գործառույթները կփոխանցվեն Ոստիկանությանը։ Տեսչության մնացած գործառույթները կբաշխվեն Գյուղնախարարության ներսում։