Ամերիկայի հայկական թանգարանը մշակութային-կրթական կենտրոնի կոնցեպտուալ դիզայնի մասին նոր անիմացիոն տեսահոլովակ-տուր է ներկայացրել։ Դա նախագծի դիզայնի ու դրա հավակնոտ ծրագրի առաջին ցուցադրությունն է, հայտնել է Asbarez–ը։
Անիմացիոն տեսահոլովակը սկսվում է Ամերիկայի հայկական թանգարանի՝ օդից նկարահանված տեսարանով։ Էքսկուրսիան շարունակվում է թանգարանի ներսում՝ բացահայտելով փառահեղ նախասրահը, ուլտրաժամանակակից լսարանն ու ցուցասրահները, որտեղ թանգարանի պաշտոնական ներկայացուցիչները ծրագրում են կազմակերպել մշտական ու շարժական ցուցահանդեսներ, որոնք կհետաքրքրեն հանդիսատեսի լայն շրջանակի։ Տեսագրությունը ավարտվում է երեկոյան նկարահանումներով՝ թանգարանի բակը՝ այնտեղ տեղադրված քանդակներով ու թանգարանի շենքի գեղեցիկ տեսարանով։
«Ամերիկայի հայկական թանգարանը կդառնա պատմական, մշակութային ու կրթական ամենահիասքանչ կենտրոններից մեկը այս տարածաշրջանում ու մենք ուրախ ենք անիմացիոն տեսահոլովակի միջոցով ցույց տալ մեր պատկերացումներն ու ծրագրերը»,- նշել է Ամերիկայի Հայկական թանգարանի նախագահ Պերճ Կարապետյանը;
Թանգարանի շինարարությունը ծրագրվում է սկսել 2017-ի չորրորդ եռամսյակից։