Քեմբրիջի դուքսն ու դքսուհին այցելել են Լոնդոնում Սուրբ Պատրիկի օրվա առթիվ կազմակերպված շքերթը, հայտնել է The Telegraph–ը։ Ըստ ավանդույթի, նրանք երեքնուկ են հանձնել Իռլանդական գվարդիական վաշտին։
Նշում են, որ Քեյթ Միդլթոնը իր հարգանքն է մատուցել Իռլանդիայի ազգային գույնին և տոնի կապակցությամբ ընտրել Catherine Walker ապրանքանիշի մուգ կանաչ վերարկու ու զմրուխտյա ականջօղեր։
Ուիլյամն ու Քեթրինը Սուրբ Պատրիկի օրը նշել են Փարիզ իրենց այցի նախօրեին։ Նրանք Փարիզ են ժամանելու արքայադուստր Դիանայի մահից 20 տարի անց։
Ինչ վերաբերում է տոնական ավանդույթին, ապա այն ծնվել է 20-րդ դարի սկզբին։ 1901-ին Էդվարդ 7-րդի կինը՝ թագուհի Ալեքսանդրան, բրիտանական թագավորական ընտանիքի առաջին բարձրաստիճան ներկայացուցչուհին էր, որը երեքնուկի փունջ էր հանձնել զինվորականներին։