Համացանցում տարածում է ստանում կողային ուժեղ քամու պայմաններում վայրէջքի ժամանակ Boeing 737 օդանավի օդաչուների խցից նկարահանված տեսանյութը:
ՌԻԱ Նովոստիի փոխանցմամբ՝ հոլովակը Facebook-ում հրապարակել է Ryanair ավիաընկերության օդանավի հրամանատար, լեհ օդաչու Արթուր Կիլակը:
Տեսանյութում անվրդով օդաչուն պահում է ձեռքից դուրս պրծնող ղեկը, ծիծաղում եւ զրուցում է երկրորդ օդաչուի հետ:
«Ես միշտ ասում եմ, որ օդաչուն ամսական աշխատավարձը ստանում է մեկ վայրէջքի ժամանակ: Ահա ես այն վաստակեցի այդ օրը... Սիրում եմ Boeing 737-ը բարդ իրավիճակներում կայունության համար»,- տեսանյութն այսպես է մակագրել օդաչուն: