Ավստրիայի կրթության նախարար Սոնյա Համերշմիդին կասկածում են ծառայողական դիրքի չարաշահման մեջ, գրում է Kurier պարբերականը։

Հետաքննության համար հետաքրքրություն են ներկայացնում 2003-2010 թվականները, երբ Համերշմիդը Austria Wirtschaftsservice Gesellschaft (aws) բանկում տեխնոլոգիաների եւ ինովացիաների բաժնի ղեկավարն էր։  Նշվում է, որ բանկը միլիոնավոր վարկեր է հատկացրել սնանկության եզրին գտնվող ընկերություններին։

Համերշիմդի գործով կզբաղվի դատախազությունը՝ տնտեսական հանցագործությունների ու կոռուպցիայի հետաքննության գծով։

«Մենք քրեական գործ ենք հարուցել ընդդեմ տիկին Համերշմիդի եւ եւս երկուսի», — ասել է դատախազության ներկայացուցիչը։