Մոլդովան ոգելից խմիչքների ցանկից հանել է գինին, որպեսզի աջակցի իր գինեգործներին։ Հիմա գինու վրա այլեւս չի տարածվելու գովազդի ու գիշերային ժամերին վաճառքի սահմանափակումները, հայտնում է ՏԱՍՍ-ը։

 Օրինագծի հեղինակի՝ պատգամավոր Իվան Բալանի խոսքով, այդ փոփոխությունների նպատակն է աջակցել տեղական գինեգործական ձեռնարկություններին, որոնք տուժել են գինին Ռուսաստան արտահանելու արգելքից։ Նա վստահ է, որ որակյալ գինու չափավոր գործածումը միայն օգուտ կտա երկրի բնակիչներին, որոնք վերջերս սկսել են նախապատվություն տալ ավելի ուժեղ ոգելից խմիչքների։