Թուրքիայի նախագահ Ռեջեփ Թայիփ Էրդողանը իշխանություններին քննադատելու համար ձերբակալված լրագրողների հասցեին հերթական վիրավորական արտահայտություններն է արել։
Թուրքական Demokrathaber կայքի փոխանցմամբ՝ Թուրքիայի նախագահը հայտարարել է, թե ըննդիմության կողմից իրեն ներկայացված 149 հոգուց բաղկացած ձերբակալված լրագրողների ցանկում գտնվողները հանցագործներն են։
«Նայում եմ ցանկին, բոլորը գող, մանկապիղծ ու ահաբեկիչ են։ Կանգնում Թուրքիայի նախագահին «բռնապետ» են ասում։ Ո՞նց չդիմենք դատարան։ Մենք քննադատություն ընդունում ենք, բայց վիրավորանք չենք ընդունում»,-ասել է Էրդողանը։