Մարտի 26-ին Սանկտ Պետերբուրգում կկայանա ՀԱՊԿ ԽՎ խորհրդի նիստը, որին կմասնակցեն Հայաստանի, Բելառուսի, Ղազախստանի, Ղրղզստանի, Ռուսաստանի ու Տաջիկստանի խորհրդարանների ղեկավարները։Նիստը բացելու է ՀԱՊԿ Խորհրդարանական վեհաժողովի նախագահ, Ռուսաստանի Պետդումայի Դաշնային ժողովի նախագահ Վ․Վ․ Վոլոդինը։
Նիստի օրակարգը նվիրված է լինելու Հավաքական անվտանգության մասին պայմանագրի ստորագրման 25-ամյակին ու ՀԱՊԿ-ի Խորհրդարանական վեհաժողովի 10-ամյակին։
Քննարկվելու են Կազմակերպության գործունեության արդյունքներն ու հեռանկարները։ Որոշվելու են նաեւ հիբրիդային պատերազմներին հավաքական անվտանգության համակարգի արդյունավետ դիմակայության հարցերով միջխորհրդարանական լսումների (2017-ի երկրորդ կիսամսյակ, Երեւան) նախապատրաստման աշխատանքների ուղղությունները։
Նիստի ընթացքում նաեւ որոշումներ կկայացվեն ՀԱՊԿ անդամ պետությունների խորհրդարանների պաշտպանության հարցերով հանձնաժողովների նախագահների համակարգող խորհրդակցության մասին դրույթում փոփոխություններ անելու մասին, կդիտարկվեն ՀԱՊԿ ԽՎ գործունեության ֆինանսավորման վերաբերյալ պարտավորությունների կատարման արդյունքները, կորոշվեն ՀԱՊԿ ԽՎ տասներորդ լիագումար նիստի անցկացման վայրն ու ժամկետները, օրակարգը։