Հարավային Քալիֆորնիայում ձերբակալել են մի 15-ամյա դպրոցականի, որը սպառնացել էր զանգվածային կոտորած կազմակերպել դպրոցում՝ Կոլումբայն դպրոցում տեղի ունեցածի ոճով։
Դպրոցականը իր Twitter միկրոբլոգում սպառնալիքներ էր հրապարակել ։Մասնավորապես նա գրել էր․ «Ես կկրկնեմ Կոլումբայնը», «Չինոն (դպրոցի անվանումը) լավ հրաձգության կարիք ունի»։
Հիշեցնենք, որ ամերիկյան Կոլումբայն դպրոցում 1999-ին երկու աշակերտ հրազենով ու ինքնաշեն պայթուցիկ սարքերով հարձակվել էին մյուս աշակերտների ու ուսուցիչների վրա, վիրավորելով 37 մարդու, 13-ին՝ մահացու։ Հարձակվողները դրանից հետո ինքնասպան էին եղել։