Հայաստանի կառավարության մարտի 23-ի նիստում հավանության է արժանացել «Կամավորական գործունեության եւ կամավորական աշխատանքի մասին» օրինագծի հայեցակարգը: Այն նպատակ ունի վերացնել օրենսդրական մի շարք բացերը՝ կապված հանրային աշխատանքի հետ:
Ամրագրվել են դրույթներ, որոնց համաձայն՝ հարկային մարմինները կամավորական աշխատանքը հստակ սահմանազատելու են ապօրինի գործունեությունից, ինչպես նաեւ այդ գործունեության հետ կապված ծախսերի վճարման կարգը: Բացի այդ՝ սահմանվել են կազմակերպությունների առջեւ կամավորների պարտականությունները, ինչպես նաեւ նրանց իրավունքները:
