2012-ին ԱՄՆ ինը նահանգներում վաթսունչորս հիվանդ էր մահացել  սնկային մենինգիտի բռնկումից։ Ատենակալները տարաբնույթ դատավճիռ են կայացրել դեղագործ Բարի Քեդդենի գործով, որը մեղավոր էր այդ հիվանդության բռնկման համար։ Բարրի Քեդդենին արդարացրել են երկրորդ աստիճանի ծանրության սպանության մեղադրանքի 25 կետերով, սակայն մեղավոր են ճանաչել այլ մեղադրանքներով։

Բարրի Քեդդենը, ֆիրմայի սեփականատերն ու գլխավոր դեղագործը, մեղավոր է ճանաչվել չարտոնագրված դեղորայք վաճառելու, խաբեության, դավադրության ու ռեկետի համար՝ խաբելու ու հիվանդներից եկամուտ ստանալու նպատակով։

2012-ին 20 նահանգներում ավելի քան 700 մարդու մոտ սնկային մենինգիտ էր ախտորոշվել այն բանից հետո երբ նրանք ընդունել են վարակված դեղամիջոցները։ 64 հիվանդ մահացել էր։ Վարակը տարածվել էր աղտոտված սրվակների ու չմշակված կոնսերվանտների միջոցով։

Քեդդենը թույլատրել էր այդ դեղամիջոցների առաքումը, որոնք ստերիլ չէին ու արտոնագիր չունեին։ Իսկ նրա ղեկավարած դեղագործական կենտրոնն էլ չէր համապատասխանում մաքրության, ստերիլիզացման ու անվտանգության մյուս կանոններին։