Հայ-էմիրթական համատեղ ներդրումային հիմնադրամի կստեղծվի: Այս մասին նշվել է մարտի 22-ին, Աբու Դաբիում ՀՀ տնտեսական զարգացման եւ ներդրումների նախարար Սուրեն Կարայանի եւ Արաբական Միացյալ Էմիրությունների էկոնոմիկայի նախարար Սուլթան Բն Սաիդ Ալ Մանսուրիի հանդիպման ժամանակ:
Նախարարությունից NEWS.am-ին հայտնում են, որ Սուրեն Կարայանը Սուլթան Բն Սաիդ Ալ Մանսուրիի հետ քննարկել է համատեղ ներդրումային հիմնադրամի ստեղծմանն ուղղված քայլերը եւ առաջիկա անելիքները։
Օրակարգում են եղել նաեւ էմիրաթցի ներդրողներին հետաքրքրող ոլորտները եւ ծրագրերը։
Պայմանավորվածություն է ձեռք բերվել առաջիկայում էմիրաթական կողմին ներկայացնելու վերջիններիս հետաքրքրող մի շարք ներդրումային ծրագրեր։
Երկու նախարարներն անդրադարձել են նաեւ Հայաստան-ԱՄԷ ապրանքաշրջանառության, արտահանումների ծավալների աճին։
Նախարար Սուրեն Կարայանը ԱՄԷ Էկոնոմիկայի նախարարի հետ քննարկել է նաեւ առաջիկա ամիսներին վերջինիս հնարավոր այցը Հայաստանի Հանրապետություն:
