Առասպելական ծովանկարիչ Հովհաննես Այվազովսկու ծննդյան 200-րդ տարելիցի կապակցությամբ Նիկոլաեւում բացել են նկարչի ու նրա աշակերտների աշխատանքների ցուցահանդեսը, հայտնում է Analitikaua–ն։
«200 տարվա տրիումֆ» ցուցահանդեսի բացման արարողությանը, որը մարտի 23-ին կազմակերպել են Նիկոլաեւի Վ․Վերեշչագինի անվան գեղարվեստական թանգարանն ու Նիկոլաեւսկի շրջանում Ուկրաինայի հայերի միությունը (ղեկավար Արթուր Կոխլիկյան), մասնակցել են Օդեսայում ՀՀ գլխավոր հյուպատոս Հայ կ Գուլյանը, Նիկոլաեւսկի շրջանային պետական աշխատակազմի մշակույթի, ազգությունների ու կրոնների վարչության ղեկավար Միխայիլ Դիմիտրովը, ՈՒկրաինայի հայերի միության պատմամշակութային կոմիտեի ղեկավար Դավիթ Դավթյանը, Սուրբ Գեւորգ եկեղեցու հոգևորական, տերհայր Վարագ Յափարյանը, հայկական համայնքի ներկայացուցիչներ ու քաղաքի բնակիչներ։
Ցուցահանդեսի զարդն էր «Պուշկինը Սեւ ծովի ափին» նկարը, որը Այվազովսկին նկարել էր ու ներկայացրել գեղարվեստի կայսերական ակադեմիայում իր անհատական ցուցահանդեսում։ Կտավը փոխանցվել է պատկերասրահին 1914-ին, Վ․Վերեշչագինի անվան գեղարվեստական թանգարանի բացման տարին։
Ցուցահանդեսին ներկայացված են 17 աշխատանքներ, որոնցից 9-ը Այվազովսկու վրձնին են պատկանում, իսկ մնացածը նրա աշակերտների։