Մեքսիկայի Bioparque Estrella կենդանաբանական այգում Էլզա անունով էգ առյուծը ցատկել է զբոսաշրջիկներին փոխադրող մեքենայի ետեւից ու ընկել զառիթափից, գրում է Daily Mail.–ը։

Կենդանաբանական այգու ներկայացուցչի ՝ Արտուրո Մոարայի խոսքով, կենդանիներին ու այցելուներին բաժանող զառիթափի լայնությունը կազմում է յոթ մետր, իսկ առյուծները կարողանում են ընդամենը հինգ մետր ցատկել։ Գիշատչին ցատկի անհաջող փորձից հետո տարել են անասնաբույժների մոտ, որոնք սակայն որեւէ վնասվածք չեն հայտնաբերել։