Հրապարակվել են սոցիոլոգիական հարցման արդյունքները, որոնց համաձայն 39-ամյա Էմանուել Մակրոնը հաղթում է Ֆրանսիայի նախագահական ընտրությունների առաջին փուլում, հաղորդում է RFI-ն:
BVA սոցիոլոգիական ծառայության հարցման տվյալներով` Մակրոնը (ով իր քաղաքական կարիերան սկսել է նախագահ Օլանդի կաբինետում) առաջին փուլում կհավաքի ձայների 26 տոկոսը` շրջանցելով «Ազգային ճակատ» կուսակցության առաջնորդ Մարին Լը Պենին (25 տոկոս):
Ըստ հարցման` երրորդ տեղում է աջակողմյան «Հանրապետականներ» կուսակցությունից նախագահի թեկնածու Ֆրանսուա Ֆիյոնը (17 տոկոս):
Չորրորդ տեղում է «Անհնազանդ Ֆրանսիա» ուլտրաձախ շարժման առաջնորդ Ժան Լյուկ Մելանշոնը (14 տոկոս): Հինգերորդ տեղում է իշխող կուսակցությունից Բենու Ամոնը (11,5 տոկոս):