Մեծ Բրիտանիայի արտաքին գործերի նախարար Բորիս Ջոնսոնը մարտին Մոսկվա չի ժամանի։ Այցը չեղարկվել է ՆԱՏՕ-ի անդամ երկրների ԱԳՆ ղեկավարների հանդիպման օրակարգում փոփոխությունների պատճառով։ Այս մասին հայտնել է Ռուսաստանում Մեծ Բրիտանիայի դեսպանատան մամուլի ծառայությունը։

«Դժբախտաբար, մենք ստիպված են հետաձգել այս ամիս նախատեսված Մեծ Բրիտանիայի արտաքին գործերի նախարարի այցը Ռուսաստան՝ կապված ՆԱՏՕ-ի անդամ երկրների արտաքին գործերի նախարարների հանդիպման օրակարգի փոփոխության հետ», — ասվում է հաղորդագրությունում։