Պաշտոնական այցով Թուրքմենստանում գտնվող ՀՀ վարչապետ Կարեն Կարապետյանն այցելել է Ղիպչակ գյուղում գտնվող անկախ Թուրքմենստանի առաջին նախագահ Սափարմուրատ Նիյազովի դամբարան՝ հարգանքի տուրք մատուցել նրա հիշատակին:
Կառավարությունից NEWS.am-ին հայտնում են, որ Կարեն Կարապետյանը եղել է «Թուրքմենբաշի Ռուխի» մզկիթում, որտեղ նրան դիմավորել է Թուրքմենստանի գլխավոր մուֆթի Չարիգելդի Սերյայեւը:
Վարչապետ Կարապետյանն Աշխաբադի քաղաքապետ Շամուհամմեդ Դուրդիլիեւի ուղեկցությամբ այցելել է նաեւ Թուրքմենստանի անկախության հուշահամալիր եւ ծաղիկներ խոնհարել:
Հայաստանի կառավարական պատվիրակությունը վերադարձել է Հայաստան: