Փարիզի ատենակալների դատարանը ցմահ բանտարկության է դատապարտել Վենեսուելայի 67-ամյա քաղաքացի Իլիչ Ռամիրես Սանչեսին` Կարլոս Շակալ մականունով`1974-ին Փարիզի առեւտրական պատկերասարհում` «Դրագսթոր»-ում ահաբեկչության մեղադրանքով: Ահաբեկչության հետեւանքով երկու մարդ է զոհվել, եւս 34-ը վիրավորվել են, հաղորդում է RFI-ը:
Կարլոս Շակալին ձերբակալել են 1994-ին, Սուդանում: Դրանից ի վեր նա բանտարկված է Ֆրանսիայում: Վենեսուելացուն արդեն երկու անգամ ցմահ ազատազրկման են դատապարտել` երեք մարդու սպանության համար` 1975-ին Փարիզում եւ 1982-1983-ին Փարիզում չորս պայթյունի համար, որի հետեւանքով 11 մարդ է զոհվել եւ առնվազն 150-ը վիրավորվել են:
