Ամերիկյան Ինդիանայում խոշոր հնդկահավն ավտոմեքենայի դիմապակուն է բախվել: Այս մասին Facebook-ի պաշտոնական էջում գրել է տեղի ոստիկանությունը:

Ըստ ՌԻԱ Նովոստիի՝ թռչունը շուրջ 13 կգ է կշռել: Միջադեպի հետեւանքով հնդկահավը սատկել է: Մեքենայում գտնվող ընտանիքի անդամները դիմապակու կտորներից վնասվածքներ են ստացել:

Ոստիկանները վարորդներին զգոնության կոչ են արել, քանի որ զուգավորման այս շրջանում վայրի հնդկահավերի պահվածքը կարող է լուրջ սպառնալիք դառնալ ճանապարհներին: