Բրիտանական insurethegap.com պորտալը, որը նվիրված է ապահովագրական ծառայությունների ու ավտոշուկայի ուսումնասիրությանը, հաշվարկել է «Ֆորսաժ» ֆիլմի բոլոր դրվագներում ավերածությունների արժեքը։ Ընդհանուր արժեքը կազմել է գրեթե 420 մլն ֆունտ սթերլինգ, ինչը համարժեք է 520 միլիոն դոլարին, հայտնում է Motor-ը։
Գումարի մեջ մտել են ֆիլմի յոթ դրվագներում վնասված օդանավերը , ուղղաթիռները , շենքերը , ավտոբուսները , տանկերը , գնացքները ու մոտոցիկլետները։ «Ֆորսաժում» վնասված ամենաթանկարժեք մեքենան W Motors Lykan Hypersport հիպերքարն է համարվել, որի արժեքը գնահատել են մոտ 3․4 մլն դոլար։ Ընդ որում բարի հերոսները ավելի շատ վնաս են տվել, քան չարագործները։
Միաժամանակ ամենավնասատու ֆիլմի պերսոնաժն է ճանաչվել Ջեյսոն Սթեյթեմի մարմնավորած չարագործը, որը գրեթե 185 մլն դոլարի վնաս էր հասցրել։ Իսկ դրական հերոսներից ամենաշատ վնասը հասցրել էր Վին Դիզելի պերսոնաժը՝ 70 մլն դոլար։