Հոլանդական ընկերությունը որոշել է փողոցներում շների արտաթորանքը որոնելու համար օգտագործել դրոններ, իսկ հետո այնտեղ ուղարկել ռոբոտ հավաքարարի։ Dogdrones համակարգը մշակվել է շների մասին Tinki.nl կայքի հիմնադիրների ու դրոնների փորձարկման Space53, միջազգային կենտրոնի կողմից։
Հոլանդիայի փողոցներում տարեկան մինչեւ 100 մլն կգ արտաթորանք է հայտնվում, քանի շների տերերի մեծ մասը չի հավաքում այդ արտաթորանքները։ Տեսախցիկներով սարքավորված դրոնները հերթապահելու են փողոցներում՝ ջերմազգայուն սարքի գնությամբ գտնելով արտաթորանքն ու դրանց GPS կոորդինատները փոխանցելով դրոն հավաքարարին, որը պետք է գա նշված վայր ու հավաքի արտաթորանքը։ Օդային դրոնը կոչվելու է Watchdog 1 , իսկ ցամաքայինը՝ - Patroldog 1.
«Շան արտաթորանքում կարող են լինել բակտերիաներ, վիրուսներ, մակաբույծներ ու որդեր, որոնք վտանգավոր են հատկապես երեխաների համար։ Բայց մեծահասակները ու մյուս շները նույնպես ռիկսի խմբում են՝ մակաբույծների ձվերը կարող են տարիներով պահպանվել ու լուրջ ինֆեկցիաների պատճառ դառնալ, եթե ժամանակին արտաթորանքը չուտիլիզացվի»,- պատմել են համակարգի հեղինակները։