Հայաստանում խորհրդարանական ընտրությունների քվեարկությանը, նախնական տվյալներով, մասնակցել է 1 մլն  574 հազար 947  քաղաքացի կամ քվեարկելու իրավունք ունեցող քաղաքացիների 60,86 տոկոսը: Այս մասին Կենտրոնական ընտրական հանձնաժողովում ասել է ԿԸՀ նախագահ Տիգրան Մուկուչյանը։

Նրա խոսքով, Երեւանում ժամը 20-ի դրությամբ, երբ փակվել են ընտրական տեղամասերը, քվեարկել է ընտրողների 58,46 տոկոսը (494 հազար 455), Գյումրիում՝  51,02 տոկոսը (63 հազար 779), Վանաձորում՝ 54,69 տոկոսը (52 հազար 593)։

2012 թվականի ընտրությունների համեմատ այս ժամի դրությամբ ընտրողների մասնակցությունը եղելէ 62.33 տոկոս։

Ներկայացնենք ընտրողների մասնակցության ցուցանիշները՝ ըստ ընտրատարածքների՝

Թիվ 1 (Երեւան, Ավան, Նոր-Նորք եւ Քանաքեռ-Զեյթուն) 121516 ընտրող 60, 69 տոկոս

Թիվ 2 (Երեւան, Արաբկիր, Աջափնյակ, Դավթաշեն) 126,471 ընտրող 59.51 տոկոս

Թիվ 3 (Երեւան, Մալաթիա-Սեբաստիա, Շենգավիթ) 130878 ընտրող 58,34 տոկոս

Թիվ 4 (Երեւան, Կենտրոն, Էրեբունի, Նորք-Մարաշ, Նուբարաշեն) 115590 ընտրող 55.37 տոկոս

Թիվ 5 (Արարատի մարզ) 151,622 ընտրող 68.45 տոկոս

Թիվ 6 (Արմավիրի մարզ) 128,844 ընտրող 55.53 տոկոս

Թիվ 7 (Արագածոտնի մարզ) 77,739 ընտրող 66.55 տոկոս

Թիվ 8 (Գեղարքունիքի մարզ) 128,416 ընտրող 67.00 տոկոս

Թիվ 9 (Լոռու մարզ) 138,114 ընտրող 57.96 տոկոս

Թիվ 10 (Կոտայքի մարզ) 140,761 ընտրող 59.04 տոկոս

Թիվ 11 (Շիրակի մարզ) 133,246 ընտրող 57.76 տոկոս

Թիվ 12 (Սյունիքի եւ Վայոց ձորի մարզեր) 108,697 ընտրող 66.91 տոկոս

Թիվ 13 (Տավուշի մարզ) 73,053 ընտրող 66.39 տոկոս

Նշենք, որ քվեարկելու իրավունք ունեցող քաղաքացիների ընդհանուր թիվը 2.587.706 է:

Այսօր՝ ապրիլի 2-ին Հայաստանում խորհրդարանական ընտրություններ են կայացել։ 2015թ. դեկտեմբերին կայացած հանրաքվեով ընդունված Սահմանադրությամբ Հայաստանի 6-րդ գումարման Ազգային ժողով են անցնելու առնվազն 105 պատգամավորներ (նրանցից 4-ը՝ ազգային փոքրամասնություններին տրվող հատուկ քվոտաներով)։

Ընտրություններին մասնակցել են 5 կուսակցություններ եւ 4 դաշինքներ։ Խորհրդարան անցնելու համար կուսակցություններին անհրաժեշտ է ստանալ ընտրողների քվեների 5 տոկոսը, դաշինքներին՝ 7 տոկոսը։