Հավաքական անվտանգության պայմանագրի կազմակերպության պետությունների ղեկավարները ապրիլի 14-ին Բիշքեկում ոչ պաշտոնական հանդիպում կանցկացնեն: Այս մասին լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստի»-ն։
«ՀԱՊԿ անդամ երկրների ղեկավարների ոչ պաշտոնական հանդիպումը տեղի կունենա այս ուրբաթ, Բիշքեկում», - ասել է Դմիտրի Պեսկովը։ Ապրիլի 14-ին Բիշքեկում նախատեսված է նաեւ Եվրասիական բարձրագույն տնտեսական խորհրդի նիստ՝ ԵՏՄ անդամ պետությունների ղեկավարների մակարդակով։
ԵՏՄ-ի կազմում են Բելառուսը, Հայաստանը, Ղազախստանը, Ղրղզստանը եւ Ռուսաստանը, իսկ ՀԱՊԿ-ի կազմում՝ Բելառուսը, Հայաստանը, Ղազախստանը, Ղրղզստանը, Ռուսաստան ու Տաջիկստանը։