ՀՀ Գլխավոր դատախազությունում ուսումնասիրվում է համացանցում հայտնված «ՍԱՍ» գրուպի աշխատակիցների հետ անցկացված նախընտրական ժողովների ձայնագրությունը: Այդ մասին այսօր՝ ապրիլի 14-ին, NEWS.am-ը տեղեկացավ ՀՀ Գլխավոր դատախազության աշխատակազմի հանրային կապերի բաժնից:
Ավելի վաղ տեղեկացրել էինք, որ Hayastan24 կայքը հրապարակել է «ՍԱՍ» գրուպում տեղի ունեցած նախընտրական ժողովներից մեկի ձայնագրությունը: Դրանում վարողը աշխատակիցներին պարտադրում է ձայներ բերել ՀՀԿ տարածքային թեկնածու Արտակ Սարգսյանի օգտին՝ խոստանալով, որ շատ ձայներ բերողները կպարգեւատրվեն, իսկ չբերողները ընդհուպ կհեռացվեն աշխատանքից: