Facebook-ը ներկայացրել է Facebook Spaces կոչվող հավելված, որը նախատեսված է վիրտուալ իրականության Oculus Rift սաղավարտի օգտատերերի համար, հայտնում է Ferra-ն։

Այն թույլ է տալիս վիրտուալ իրականության մեջ կազմակերպել երեկույթներ, չաթեր, հանդիպումներ։ Օգտատերերը դրանում ներկայացված են 3D ավատարներով, որոնք թեթեւակի նմանություն ունեն օրիգինալի հետ։ Կարելի է նաեւ նկարել 3D օբյեկտներ, ցույց տալ սեփական տեսագրություններ ու համայնապատկերներ՝ աշխույժ չաթի ֆոնին։ Նախատեսված է նաեւ սելֆիի -ձող՝ վիրտուալ ինքնադիմանկարներ անելու համար։ Եթե մեկ ուրիշ օգտատեր չի կարող գործարկել վիրտուալ իրականությունը, նա կարող է միանալ շփմանը՝ Facebook Messenger-ում տեսազանգի միջոցով։