Հյուսիսային Կորեայում ԱՄՆ-ի ուղղությամբ հրթիռային հարվածի իմիտացիայի տեսանյութ են ցուցադրել: Այս մասին գրում է ՌԻԱ Նովոստին:
Երկրի գործող նախագահի պապի՝ Կիմ Իր Սենի 105-ամյա առիթով կազմակերպված միջոցառումների ժամանակ ցուցադրված տեսանյութում ներկայացվում է նոր բալիստիկ հրթիռն ու դրա արձակումը: Այն անցնում է օվկիանոսն ու հարվածում ԱՄՆ-ի քաղաքներից մեկին: Հաջորդ կադրում գերեզմանատան ֆոնին այրվող ամերիկյան դրոշ է:
Ցուցադրությանը նախորդած զինվորական շքերթի ժամանակ էլ ցուցադրվել է, ենթադրաբար, նոր միջմայրցամաքային բալիստիկ հրթիռը: