Որեւիցե լուրջ միջադեպեր տեղի չեն ունեցել, բայց եղել են բարձր խոսակցություններ: Այս մասին այսօր՝ ապրիլի 20-ին, լրագրողների հետ զրույցում ասաց Արարատի մարզպետ Արամայիս Գրիգորյանը՝ անդրադառնալով իրենց մարզում նախընտրական լարվածության մասին լուրերին:
«Գիտեք՝ ընտրություններ են, կրքեր են դրանք, որեւիցե լուրջ միջադեպեր տեղի չեն ունեցել, բայց եղել են բարձր խոսակցություններ, տրամադրվածություն, որը էական ազդեցություն չի թողել ընտրությունների արդյունքների վրա»,- ասաց Արամայիս Գրիգորյանը:
Մարզպետը հերքեց նաեւ լուրերը, թե ինքը ընտրությունների ժամանակ վարչական լճակներ է օգտագործել եւ ստիպել պետական աշխատողներին՝ ձայն տալ իր եղբորը՝ Արայիկ Գրիգորյանին:
Նշենք, որ մարզպետի եղբայրը ստացել էր 45 հազար 3 հարյուր 39, Մուրադ Մուրադյանը՝ 17 հազար 72: Դեռեւս նախընտրական քարոզարշավը չմեկնարկած՝ հենց այս երկու թեկնածուների եւ նրանց համախոհների միջեւ լարվեցին հարաբերությունները: Լարվածությունը պահպանվեցին մինչեւ քարոզարշավի ավարտը: