Երեւի նորից Հայաստանի Հանրապետական կուսակցության հետ կոալիցիա կազմելու մասին հուշագրի անհրաժեշտություն լինի, դրա մասին հրապարակային կասվի: Այս մասին այսօր՝ ապրիլի 20-ին, «Ազգ-բանակ-2017» համաժողովից առաջ լրագրողների հետ զրույցում հայտարարել է ՀՀ կրթության եւ գիտության նախարար, ՀՅԴ անդամ Լեւոն Մկրտչյանը՝ հավելելով. «Ես ձեզ խնդրում եմ, մի քիչ համբերեք, բանակցություններն ընթանում են: Ամեն ինչի մասին հստակ կխոսենք»:
Նշենք, որ Լեւոն Մկրտչյանը նախարարի պաշտոնը զբաղեցնում է ՀՀԿ-ՀՅԴ համագործակցության շրջանակներում: Բացի նրանից, ՀՅԴ քվոտայով կառավարության անդամ են նաեւ Տարածքային ենթակառուցվածքների եւ զարգացման նախարար Դավիթ Լոքյանն ու Բնապահպանության նախարար Արծվիկ Մինասյանը:
