News
Լրահոս
News
Հինգշաբթի
Օգոստոս 24
Տեսնել լրահոսը

«Ամերիաբանկը» եւ VISA ընկերությունն ավարտել են քարտային արշավի եզրափակիչ խաղարկությունը, որի արդյունքներով բանկային VISA քարտ ունեցող երկու անձ «Եվրատեսիլի» կիսաեզրափակիչի տոմսեր են շահել: Կիեւ մեկնելու եւ ողջ Եվրոպայի հետ երգիչների ելույթներին հետեւելու հնարավորություն կստանան «Ամերիաբանկի» հաճախորդները, որոնց խաղարկությունը հայտարարելիս 1240 եւ 1676 համարներն են տրվել:

Այսօր՝ ապրիլի 21-ին, մանրածախ բանկային ծառայությունների նախագծերի ղեկավար Էլեն Դանիելյանը լրագրողներին ասաց, որ այս համարների տերերը ոչ միայն «Եվրատեսիլի» 2 տոմս կստանան, այլեւ Կիեւ մեկնելու համար ավիատոմս, հյուրանոցում իջեւանելու ծախսերը նույնպես կվճարեն խաղարկության կազմակերպիչները՝ «Ամերիաբանկը» եւ VISA ընկերությունը:

Շահողները կարող են իրենց մրցանակները ստանալ ապրիլի 21-ից 26-ը, աշխատանքային ցանկացած ժամի, «Ամերիաբանկի» գլխավոր գրասենյակից: Եթե ինչ-որ պատճառով շահողները հրաժարվեն իրենց մրցանակներից կամ այն ստանալու չգան, տոմսերը բաժին կհասնեն հերթական՝ 1477 եւ 1036 համարների հաճախորդներին:

Էլեն Դանիելյանը հիշեցրեց, որ բանկը նման խաղարկություններ կազմակերպել է նաեւ նախկինում, սակայն դրանց կարողացել են մասնակցել հիմնականում, այսպես կոչված, պրեմիում հատվածի հաճախորդները: Այս տարի խաղարկությանը կարողացել են մասնակցել նաեւ, այսպես կոչված, միջին դասի ներկայացուցիչները. «Եվրատեսիլի» տոմս շահելու հնարավորություն ստանալու համար հաճախորդները պետք է փետրվարի 23-ից ապրիլի 11-ն իրենց VISA քարտերով 100 հազար դրամի չափով անկանխիկ վճարումներ կատարեին. նախորդ խաղարկությունների ժամանակ այս շեմը ավելի բարձր է եղել: Ուշագրավ է, որ խաղարկության մասնակիցների 77 տոկոսը VISA Classic եւ VISA Electron քարտեր է ունեցել:

Դեռեւս խաղարկության մեկնարկից առաջ VISA քարտերի բոլոր քարտապաննեը SMS հաղորդագրությամբ տեղեկացվել են խաղարկության եւ իրենց տրված հերթական համարի մասին: Նշված ժամանակահատվածում 2780 հաճախորդներ պայմաններին համապատասխան վճարումներ են կատարել, եւ նրանց համարներով քարտերը հավաքվել են տուփի մեջ, որտեղից էլ հանվել են 2 երջանիկների եւ 2 պահեստային քարտերը:

 

 

 

 

Տպել
Կարդացեք նաև
Ամբողջ
Որքա՞ն դոլար են գնել եւ վաճառել հայաստանյան բանկերը
Արտարժույթի ներբանկային շուկայում բանկերի կողմից գնվել է...
Յունիբանկի «Գարեգին Նժդեհ» մասնաճյուղը տեղափոխվել է Երևան մոլում գտնվող նոր տարածք (Ֆոտո)
Մասնաճյուղը կաշխատի առանց հանգստյան օրերի...
Վերաֆինանսավորման տոկոսադրույքը մնաց անփոփոխ՝ 6 տոկոս. ԿԲ
Արտաքին հատվածում պահպանվել են համաշխարհային տնտեսության աճի բարելավման հեռանկարները...
«Անելիք Բանկ»-ը արձանագրել է շահույթի էական աճ. հարցազրույց
NEWS.am-ի հետ զրույցում «Անելիք Բանկի» գլխավոր տնօրենի պաշտոնակատար Ռուբեն Մելիքյանը ներկայացրել է այն զարգացումները, որոնք բերել է նոր բաժնետիրոջ մուտքը․․․
Որքա՞ն դոլար են գնել եւ վաճառել հայաստանյան բանկերը
Արտարժույթի ներբանկային շուկայում բանկերի կողմից գնվել է...
Համահայկական բանկը տրանսֆորմացվել է ներդրումային ֆոնդի
Ֆոնդը, որն ունի իր մասնագիտացված ֆոնդի կառավարիչը...
Ամենաշատ
Partner news