Երեւանի Ազատության հրապարակում այսօր՝ ապրիլի 21-ին, ավարտվեց Երեւանի ավագանու ընտրություններին մասնակցող «Երկիր Ծիրանի» կուսակցության հեծանվաերթը: NEWS.am-ի թղթակիցն հաղորդում է, որ կուսակցության ղեկավար Զարուհի Փոստանջյանը եւ կուսակցության մի քանի տասնյակ ներկայացուցիչներ հեծանվով շրջել են Երեւանի կենտրոնական փողոցներով եւ վանկարկել «Եկիր Ծիրանի»:
Նշենք, որ Երեւանի ավագանու ընտրությունները կայանալու են մայիսի 14-ին, որին մասնակցում են երեք ուժեր՝ ՀՀԿ-ն, որի քաղաքապետի թեկնածուն Տարոն Մարգարյանն է, «Ելք» դաշինքը, որի քաղաքապետի թեկնածուն Նիկոլ Փաշինյանն է, եւ «Երկիր Ծիրանի» կուսակցությունը, որի թեկնածուն Զարուհի Փոստանջյանն է: