Տրանսպորտային պատահար Երեւան-Թալին ճանապարհին: Ապրիլի 22-ին ժամը 21:33-ին տեղեկություն է ստացվել, որ Աշտարակ-Թալին ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:
ՀՀ ԱԻՆ մամուլի ծառայության տեղեկացմամբ՝ դեպքի վայր է մեկնել մեկ մարտական հաշվարկ:
Պարզվել է, որ Երեւան-Թալին ճանապարհի 35-րդ կմ-ին բախվել են «ՎԱԶ-2106» (վարորդ՝ 1955 թ. ծնված Ա. Գ.) եւ «ՎԱԶ-21099» (վարորդ՝ 1993 թ. ծնված Ա. Պ.) մակնիշների ավտոմեքենաները: Վթարի հետեւանքով Ա.Գ.-ը եւ Ա.Պ.-ը տարբեր աստիճանի մարմնական վնասվածքներով հոսպիտալացվել են Աշտարակի ԲԿ, այնուհետեւ՝ «Արմենիա» ԲԿ: Բժիշկները տուժածների առողջական վիճակը գնահատել են ծանր:
Փրկարարները «ՎԱԶ-21099» ավտոմեքենայի վարորդին մոտեցրել են շտապօգնության ավտոմեքենային, հոսանքազրկել են մեքենաները եւ փակել գազի բալոնների փականները: