Մեքսիկայի Ռեյոսա քաղաքում շաբաթ երեկոյան զանգվածային անկարգություններ ու հրկիզումներ են սկսվել «Նեղուց» թմրակարտելի առաջնորդներից մեկի՝ Խուլիան Լոյսա Սալինասի սպանությունից հետո, որը տեղի էր ունեցել զինվորականների հետ բախման ժամանակ, հայտնել է նահանգի անվտանգության ուժերի ներկայացուցիչ Լուիս Ռոդրիգես Սուարեսը, փոխանցում է ՌԻԱ Նովոստին։
Լոյսան սպանվել էր Ռեյնոսայում շաբաթ առավոտյան։ Նա նահանգի ամենաշատ որոնվող հանցագործներից էր։
Սոցցանցերում հրապարակված լուսանկարներում երեւում են հրկիզված ավտոբուսներ ու ավտոմեքենաներ, նաեւ այրված շենքեր։ Օգտատերերը նշում են , որ Ռենյոսայում քաոս է սկսվել։
Նահանգի ՆԳՆ-ն իր հերթին նախազգուշացրել է քաղաքացիներին չալցելել Ռեյնոսա՝ Լոյսայի ոչնչացումից հետո իրավիճակի կտրուկ սրման կապակցությամբ։
ԱՄՆ-ին սահմանակից Տամաուլիպաս նահանգը «Լոս- սետաս» ու «Նեղուց» հզոր մեքսիկական կարտելների դիմակայության թատերաբեմն է, որոնք ձգտում են վերահսկել թմրադեղերի մատակարարումները ԱՄՆ։