Հայոց ցեղասպանության զոհերի հիշատակի Ծիծեռնակաբերդ հուշահամալիրում քիչ առաջ ավարտվեց ջահերով ավանդական երթը (Ֆոտոռեպորտաժ)։
Հազարավոր երիտասարդներ՝ ջահերով, Հայաստանի, Ցեղասպանությունը ճանաչած պետությունների դրոշներով Ազատության հրապարակից շարժվեցին Ծիծեռնակաբերդի բարձունք, որտեղ հարգանքի տուրք մատուցեցին անմեղ Հայոց ցեղասպանության զոհերի հիշատակին։
Երթը տեւեց գրեթե երկու ժամ, մասնակցել են ՀՅԴ, ՀՀԿ երիտասարդները, «Երկիր Ծիրանի» կուսակցության անդամներ, բազմաթիվ երիտասարդներ Հայաստանից, Արցախից, սփյուռքի գաղթօջախներից։
Երթի սկզբում Ազատության հրապարակում երթի մասնակիցներն այրեցին Թուրքիայի եւ Ադրբեջանի դրոշները, ապա երթով շարժվեցին Բաղրամյան պողոտայով, Կիեւյան փողոցով եւ հասան Ծիծեռնակաբերդ: