Ապրիլի 24-ին, ժամը 21:40-ին ահազանգ է ստացվել, որ Շիրակի մարզի Գյումրի քաղաքի Մուսայելյան փողոցի «Դեկոր» կահույքի սրահի դիմաց տեղի է ունեցել ՃՏՊ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ «BMW 520» մակնիշի 29 LO 555 պետհամարանիշով (վարորդ՝ 1991 թ. ծնված Հ. Ղ.) ավտոմեքենան դուրս է եկել ճանհապարհի երթեւեկելի հատվածից եւ բախվել ծառին:
Մինչ փրկարարների` կանչի վայր հասնելը վարորդը եւ ուղեւոր` 1992 թ. ծնված Ռ. Ջ.-ը հոսպիտալացվել են Գյումրի քաղաքի ԲԿ, որտեղ բժիշկները վարորդի առողջական վիճակը գնահատել են բավարար, իսկ ուղեւորինը՝ միջին ծանրության:
Փրկարարները հոսանքազրկել են ավտոմեքենան եւ փակել գազի բալոնի փականը:
