Չինաստանը գործարկել է սեփական արտադրության առաջին ավիակիր նավը, հաղորդում է Սինհուա գործակալությունը:
«Չինական ավիակիրն ապրիլի 26-ի առավոտյան ծով է դուրս եկել Դալյան նավահանգստից»,- ասվում է հաղորդագրության մեջ:
Հանդիսավոր արարողությանը մասնակցել է Կենտրոնական ռազմական խորհրդի փոխնախագահ Ֆան Չանլունը:
Չինաստանը սեփական ավիակրի արտադրությունն սկսել է 2013 թվականին: Նոր՝ Տուրե 001A ավիակրի երկարությունը 315 մետր է, լայնությունը՝ 75 մետր, քաշը՝ 70 հազար տոննա: Ավիակրի վրա կարող է տեղակայվել J-15 տեսակի 36 կործանիչ:
