Ճապոնիայում կտրուկ ավելացել են տնային եւ կորպորատիվ բունկերների պատվերները՝ Հյուսիսային Կորեայի միջուկային սպառնալիքի պատճառով:
«Թեեւ Ճապոնիան միակ երկիրն է, ով զգացել է միջուկային ռմբակոծության սարսափը Հիրոսիմայում եւ Նագասակիում, մինչ օրս նրանք ավելի քիչ ուշադրություն են դարձնում բունկերների պատրաստմանը: Համենայն դեպս՝ Շվեյցարիայի համեմատությամբ, որտեղ բունկերներ կան կինոթատրոններում, դպրոցներում ու շենքերում: Սա անթույլատրելի թեթեւամտություն է»,- ՌԻԱ Նովոստիին ասել է ստորգետնյա բունկերների կառուցմամբ զբաղվող ընկերության նախագահ Նաոկո Օրիբեն:
Նա նշել է, որ եթե 2016 թվականին ընկերությունը ստացել էր կորպորոտիվ բունկերների պատրաստման երեք, իսկ տնային բունկերների՝ վեց պատվեր, ապա միայն ապրիլին ընկերությանը հաջողվել է հասնել տարեկան մակարդակին՝ ունենալով մեծ բունկերների երկու, իսկ տնային բունկերների՝ վեց պատվեր: