ՀՀ Սահմանադրական դատարանը ապրիլի 28-ին մերժել է «Կոնգրես-ՀԺԿ» դաշինքի հայցը՝ ապրիլի 2-ին տեղի ունեցած խորհրդրանական ընտրություններն անվավեր ճանաչելու վերաբերյալ։ ՍԴ-ն ուժի մեջ է թողել ընտրությունները կայացած համարելու ՀՀ Կենտրոնական ընտրական հանձնաժողովի որոշումը։
Համաձայն Սահմանադրության՝ ՍԴ-ի որոշումը վերջնական է եւ ուժի մեջ է մտնում հրապարակման պահից։
Նշենք, որ ՍԴ որոշումը հրապարակելիս դահլիճում ներկա էին հայցորդ կողմի ներկայացուցիչները՝ ՀԱԿ փոխնախագահ Լեւոն Զուրաբյանը, իրավաբաններ Վահե Գրիգորյանը եւ Տիգրան Եգորյանը:
Պատասխանող կողմին ներկայացնում էին Կենտրոնական ընտրական հանձնաժողովի նախագահ Տիգրան Մուկուչյանը, ԿԸՀ քարտուղար Արմեն Սմբատյանը:
Որպես պատասխանողներ հանդես են եկել ՀՀ սահմանադրական դատարանը՝ ի դեմս հատուկ կարեւորությամբ գործերի վարչության պետի տեղակալ Կարեն Բիշարյանի եւ Ոստիկանության՝ ի դեմս շտաբի պետ Հովհաննես Քոչարյանի։
ՍԴ-ի վճռում մասնավորապես նշվում է. «Հաշվի առելով ընտրությունները կեղծելու հետ կապված ապացույցների բացակայությունը՝ նման դատական վեճի նախաձեռնությունը դառնում է ինքնանպատակ եւ քաղաքական չարաշահումների առիթ տալիս»։
Հայցի հետ միասին ներկայացված փաստաթղթերը, համաձայն ՍԴ-ի վճռի, գրեթե առանց բացառության վերցված են լրատվամիջոցների եւ «Քաղաքացի դիտորդ» կազմակերության հրապարակումներից։Վճռում ասվում է նաեւ, որ վեճի շրջանակներում հայցվոր կողմը իրավական փաստերի փոխարեն ներկայացրել է առանձին տեղական դիտորդական առաքելությունների մոնիթորինգի արդյունքներ։
