Ֆրանսիայի նախագահի թեկնածու Էմանուել Մակրոնը հայտարարել է, որ կողմնակից է Լեհաստանի նկատմամբ ԵՄ-ի՝ պատժամիջոցներ սահմանելուն։ Այս մասին նա ասել է Voix du Nord պարբերականի հետ հարցազրույցում։ Մակրոնը նաեւ դժգոհություն է հայտնել ամերիկյան Whirlpool ընկերությունը Ֆրանսիայի Ամյեն քաղաքից Լեհաստանի Լոձ քաղաք տեղափոխելու մտադրության հետ կապված։
Մակրոնի խոսքով՝ չի կարելի համաձայնել մի իրադրության հետ, երբ ԵՄ անդամ-երկիրը առկա սոցիալական տարբերություններն օգտագործում է իր նպատակներով՝ դրանով հանդերձ խախտելով Եվրամիության հիմնական սկզբունքները։ Նա նաեւ հայտարարել է, որ ընտրություններում իր հաղթանակի դեպքում Լեհաստանի վերաբերյալ որոշումներ կընդունվեն 3 ամսում։
Նա հավելել է, որ համաձայն չէ Եվրամիության ներկայիս քաղաքական ուղու հետ։ Ըստ նրա՝ պետք է ամրապնդել ԵՄ-ի ներսում համերաշխությունը, ներդաշնակ դարձնել հարկային համակարգն ու սոցիալական հարցերը։