Ղրղզստանի Այու Օշի մարզի գյուղերից մեկում լեռնալանջի սողանքի հետեւանքով մահացել է 4 մարդ: Հողի զանգվածը ծածկել է 11 մեկհարկանի տներ, որոնցից 4-ը դատարկ էին: Ենթադրաբար փլվածքների տակ կարող է 24 մարդ լինել, հայտնում է ՏԱՍՍ-ը՝ վկայակոչելով երկրի Արտակարգ իրավիճակների նախարարությանը:
«Ներկայումս ճշգրիտ հայտնի է տարերային աղետի հետեւանքով 4 զոհվածի մասին»,- հայտարարել են նախարարությունից: ԱԻՆ-ի աշխատակցի խոսքով՝ զոհերի եւ տուժածների մասին տեղեկությունները ճշգրտվում են:
Սողանքի տակ հայտնված տների տերերն ավելի վաղ նախազգուշացվել էին սպառնացող վտանգի մասին, հայտնել են ԱԻՆ-ից: «Այս տների տերերը մարտին ԱԻՆ-ից նախազգուշացում են ստացել անվտանգ վայր տեղափոխվելու մասին»,- նշված է հաղորդագրության մեջ:
Ղրղզստանի ԱԻՆ-ի փրկարարները պատահարի վայրում սկսել են փլվածքների մաքրումը:
Գրեթե 1 մլն խորանարդ մետր հողային զանգվածը լեռնալանջից փլվել է վաղ առավոտյան՝ տեղական ժամանակով մոտ 7.20-ին: Պատահարի վայրում են փրկարարները, նաեւ փլվածքները մաքրող տեխնիկա: