Իտալիայի նախկին վարչապետ Սիլվիո Բերլուսկոնին ընկել է իր տանը ու գլխի փոքր վնասվածք ստացել, հայտնում է ՌԻԱ Նովոստին։

Հայտնի է դարձել, որ դեպքը տեղի է ունեցել նախօրեին՝ 80-ամյա քաղաքական գործիչը սայթաքել է, ընկել ու վնասել գլուխը։ Նախկին վարչապետին տարել են Միլանի մասնավոր կլինիկաներից մեկը, որտեղ նրա պատռվածքը կարել են։

Բերլուսկոնիի բուժող բժիշկ Ալբերտո Դզանգրիլոն այդ կապակցությամբ ասել է, որ խոսքը ընդամենը աննշան վնասվածքի մասին է ու ոչ մի լուրջ բան չկա։