Ուկրաինայի նախագահ Պյոտր Պորոշենկոն պարծեցել է նոր հրթիռով: Փորձարկման տեսանյութը հրապարակվել է ապրիլի 29-ին, պետության ղեկավարի Facebook-ի էջում:
«Շնորհավորում եմ «Ճառագայթ» բյուրոյին՝ «Օլհա» հրթիռային համալիրի հաջող փորձարկման առիթով: Շարունակում ենք աշխատել մեր պաշտպանունակության ամրապնդման ուղղությամբ»,- գրել է Պորոշենկոն:
Ըստ dni.ru-ի՝ հրթիռի թռիչքի հեռավորությունը կազմում է 100 կմ: Մշակողների խոսքով՝ «Օլհա»-ն բնութագրերով գերազանցում է ռուսական արտադրության «Տոչկա Ու» համալիրին եւ ստեղծվում է բացառապես ուկրաինական արտադրության բաղադրիչներով:
