Հյուսիսային Կորեայի հրթիռի արձակումը Ռուսաստանին սպառնալիք չի ներկայացնում, չնայած սադրիչ ազդեցություն ունի, սրա մեջ ոչ մի լավ բան չկա, հայտարարել է ՌԴ նախագահ Վլադիմիր Պուտինը՝ Չինաստանի այցի արդյունքներով մամուլի ասուլիսի ժամանակ, փոխանցում է «ՌԻԱ Նովոստի»-ն:
«Այս արձակումը մեզ անմիջապես չի սպառնում: Բայց այն, իհարկե, հակամարտության զարգացում է սադրում, իսկ սրա մեջ ոչ մի լավ բան չկա»,- ասել է Պուտինը:
Հյուսիսային Կորեան պաշտոնապես հաստատել է, որ կիրակի միջին հեռահարության բալիստիկ հրթիռի արձակում է իրականացրել, եւ որ այն հաջող է անցել: Հրթիռը Ճապոնական ծովն է ընկել՝ Ճապոնիայի հատուկ տնտեսական գոտու սահմաններից դուրս: Առաջին անգամ է հաղթահարվել 2 հազար կմ բարձրությունը:
